ілу
I1. Бір нәрсені іліп қою. Есболдың сырт киімін қабырғадағы шегеге ілді (Сатаев). 2. Тиегін (ілгегін) салу, бекіту. Нәзипа есікті іштен іліп алды (Кеттебеков) 3. Ұстау, бүру, көтеріп әкету. Көкжендет ілген құстан атыңның белі майысатын болады (Әлімқұлов). 4. ауыс. Үстіне кию, жамылу. Раушан шапанын әлі үстіне бір ілген жоқ (Құмарова). Іліп алар – көзге түсер, кәдеге жарар, бағалы. Іліп әкетті – бөгелмей жалғастырып кетті. Іліп кетті – а) ұрлап кетті, жымқырды; ә) сөзбен сынады, мінеді
II
көне. Күйеу жағының қалыңдықты көруге барғанда апаратын кәдесі. Гүлдәрі әр үйдің жолына қарай келіндеріне әр түрлі ілу апарғызды (Әлішев)