аға
1. Ағайынды адамдардың жас жағынан үлкені. 2. Жасы үлкен ер адам. Алдыңғы толқын - ағалар, Артқы толқын-інілер (Абай). 3. Жетекші, ақылшы, басшы. Ел ағасыз болмас, тон жағасыз болмас (Мақал). 4. Қызмет дәрежесі жоғары адам. Шопан. (оқытушы, қызметкер, жаттықтырушы). Ағалар алқасы – өндірісте, мекемелерде еңбек ардагерлерінен құралған кеңес. Аға буын [ұрпақ] – үлгі-өнеге көрсеткен, тәрбие берген, тәлімгер адам. Ағама жеңгем сай – екеуі бір-біріне дөп қосылған, бірінен бірінің айырмасы шамалы. Ағаның алды ақ жайлау – ел басқарған, көпті көрген адам кең пейілді болады д.м. Аға өлсе, іні мұра (көне)- әмеңгерлік жолымен өз жесірін өзгеге бермеу. Аға тұтты – аға деп сыйлады, құрметтеді