адал
1. Пайдалануға, ішіп-жемге жарамды, бағалы, пайдалы. Арам қолыңмен адал тамақты былғайсың (Тоқмағанбетов). 2. Шын берілген, сенімді. Адал адам. Отанына адал. 3. Кіршіксіз, мінсіз, қалтқысыз; ақ адал ниет. 4. Турасы, шыны, ақиқаты, әділі. Бүлдірсең де, күлдірсең де адалын айт (Хасенов). Адалға түгі [қарасы] жоқ – тақыр кедей, асқа да, малға да жарымаған. Адалдан жиған мал [дүние] – еңбекпен табылған байлық. Адалын алдарына салды- барын аузына тосты, сыйлап күтті. Адалынан жолықтыр (тілек) – жібі түзу адамға кездестір, бақытты қыл деген тілек