айдау
I1. Малды алдына салып белгілі бір жаққа бұру, бағыттау. Қой айдады. 2. Көлікті, техниканы адамның ырқына көндіріп жүргізу. Машина айдады. 3. Бас еркінен айырып жазалау. Сібірге айдады. 4. Қуу, ыдырату. Жел айдаған бұлттай. Айдап өргізіп, иіріп жусатты – жұртты аузына қаратты, билеп-төстеді. Айдап салды – біреуге біреуді өшіктірді, жауластырды. Айдап шықты – қуып жіберді, маңына жолатпады
II
Жер жыртып, егін егу. Жерді күз айда, күз айдамасаң жүз айда (Мақал)
III
1. Бас бостандығынан айырып жер аудару, айдалу. Байтұрсынов 1934 жылы айдаудан оралғанымен, ол құлашын кең жаза алмады (Мәуленов). Айдау жол – қара жол, үлкен жол