алты
Бестен кейінгі есептік сан. Алты қанат үй – алты қанат керегеден тігілген киіз үй. Алты өрім [таспа] қамшы – жуан етіп өрілген қамшы. Алты айшылық [айлық] жол – алыс жол, ұзақ сапар. Алты аласы, бес бересі жоқ – айдаладағы біреу; өте кеткені жоқ. Алты алаш – бүкіл қазақ біткен, бар қазақ баласы. Алты алаштың баласы – түрікпен, қалпақ, қазақ, өзбек, қырғыз, башқұрт тайпаларының жиынтық аты. Алты арыс – а) алты туысқан ағайынды ел ; ә) алты атадан тараған бір ру. Алты ауыз [ауызды] – ауыз бірлігі жоқ, ала ауыз. Алты бақан ала ауыз – бірімен бірі араз, бірлігі жоқ. Алты батпан – зіл көтерем, зілдей ауыр. Алты құлаш ақ найза – батырлар ұстайтын ұзын қару. Алты қырдан асырды – өте алысқа кетті, қуып тастады