арам
Еті мен сүті, жұмыртқасы тамаққа пайдалануға жатпайтын жан-жануар. Есектің еті арам, күші адал (Мақал). 2. ауыс. Қара ниет адам. Арамның адымы қысқа. 3. ауыс. Еңбекпен табылмаған табыс. Арам ақша, арам байлық. 4. ауыс. Пайдаға аспайтын зат. Арам без (қан, ет) 5. ауыс. Жаман, жақсы емес. Арам ой (ниет, пиғыл). Арам жуа – ит жуа. Арам таран – қара құмық тұқымдасына жататын бір жылдық шөптесін өсімдік. Арам болсын! (қарғ. ) – бұйырмасын. Арам есеп – бақай қулық. Арам жүріс – көзге шөп салу. Арам қатқыр ! (қарғ. ) – арам өлгір, бұйырмағыр. Арам қатты [өлді] – сеспей қатты, тұяқ серіппеді. Арам сідік – некесіз бала. Арам тер болды – босқа әуреленді, еңбегі зая кетті