аруақ
діни. 1. Өлген адамның рухы. Аталарыңның аруақ ғын сыйла. 2. ауыс. Қаусаған қу сүйек, құр дене. Ер арыса - аруақ. Ат арыса – тулақ (Мақал). Аруағы асты, артты – мерейі үстем болды. Аруағы қозды – [ұстады] – жыны келді, ашу шақырды. Аруағына сыйынды [табынды] – ата-баба рухына бас иді, жалынып-жалбарынды. Аруағын аяққа басты – қорлады, менсінбеді. Аруағынан айналайын – аруаққа бас иіп, құлшылық ету кезінде айтылады. Аруақ атқыр [ұрсын] – құдай оңдырмағыр, жолың болмағыр. Аруақ аттады – жолдан тайды. Аруақ жар болсын [қолдасын, жебесін, демесін] – жолың болсын, тілегіңе жет д.м. тілек. Аруаққа шет болма – жолдан тайма, біреудің обалына қалма. Аруақ қонды – бағы жанды, қыдыр дарыды. Аруақтарға сыйынды – аруаққа табынды, бас ұрды. Аруақтанып кетті – шабытқа мінді; аруағы асты. Аруақ шақырды – ата-бабаның аруағына сыйынды, табынды