аспан
Жоғарыдан жерге қарай күмбез сияқты көмкеріліп көрінетін атмосфералық кеңістік; көк, әуе. Терезеден мөлдір аспан көрінеді. Аспан айналып жерге түскендей – шыжыған ыстық, қапырық, аңызақ. Аспанға көтерді – асыра дәріптеді, мақтады. Аспанға қарады – мұрнын көкке көтерді, тәккаппарланды. Аспандағы айға қол созды – қолдан келмеске ұмтылды. Аспанды алақандай, жерді тебінгідей етті – жұрттың апшысын қуырды, тықсырды. Аспаныңды тастап жібер – қолыңнан бір келсе, екі қыл, аяма. Аспанмен астасқан [таласқан, тілдескен, тірескен] – зәулім биік, заңғар. Аспаннан түскендей – а) тәкаппар, менмен; ә) тосыннан, тұтқиылдан. Аспаннан тілегенімізді жерден берді – күтпеген дүние, кездейсоқ оқиға. Аспан [күн] шайдай ашық – әуеде теңгедей бұлт жоқ. Аспаның ашық болсын (тілек) – жаманшылық көрме