аудару
1. Бір нәрсенің астын үстіне шығарып қопару. Жер аударды. 2. Бір нәрсені олай-бұлай төңкеру, аударыстыру. 3. Бір нәрсені құлатып алу. Ол арбасын аударып алды. 4. Бір жерден екінші бір жерге көшіру. Алманың көшетін аударып отырғызды. 5. Бір тілден екінші бір тілге көшіріп айтып беру, баяндау. Орысшадан қазақшаға аударды. 6. Бір нәрсенің бағыт-бағдарын басқа жаққа бұру, бағыттау. Ол әңгімені басқа жаққа аударды. 7. ауыс. Кінәны біреуге арту, жабу. Бар бәлені досына аударды. 8. Күшпен көшіру, сүргінге ұшырату. Байларды жер аударды.