ауыр
1. Жеңіл емес, салмақты. Ауыр жүк. 2. Бейнеті көп, қиыншылығы мол. Ауыр жұмыс (сабақ, жол, қыс). 3. Адам басына келген үлкен ауыртпалық. Ауыр қаза (жағдай, тұрмыс, хал). 4. Тым үлкен, аса зор. Ауыр қылмыс (күнә, соққы). 5. Жағымсыз, тиімсіз, қолайсыз. Ауыр сөз (хабар) 6. Жай, баяу, ақырын. Ауыр қозғалды (күрсінді, дем алды). 7. ауыс. Икемсіз, шұбалаңқы. Сөйлем құрылысы ауыр, тілі ауыр, стилі ауыр. Ауыр артиллерия – зеңбірек, пулемет, миномет т.б. дәрімен атылатын қарулардың жиынтығы. Ауыр атлетика – күрес, штангі көтеру сияқты спорт түрі. Ауыр индустрия – фабрикалы, заводты ірі өнеркәсіп. Ауырдың үсті, жеңілдің астымен жүріп – жан қинамай өмір сүрді, ептеп-септеп тіршілік етті. Ауыр қол (поэт.) – сан мың әскер, қалың қол. Ауыр мінезді – сабырлы, салмақты; көнтерлі. Ауыр тамақ – майлы, күшті тамақ. Ауыр тиді [соқты] – көңілге келді, жайсыз болды