ашық
1. Төбесі, үсті, аузы, есігі жабылмай қалған. Ашық қора (терезе, машина, есік). 2. Ештеңесі жоқ, жалаңаш, бос тұрған. Ашық жер (дала, алаң). 3. Жауын-шашынсыз, бұлтсыз. Ашық күн (аспан, ауа). 4. Анық, айқын. Ашық дауыс (үн, дыбыс, жауап). 5. Онша қою емес, қанықпаған. Ашық қызыл (сары, қоңыр, көк). 6. Жайдары, жарқын. Келін ашық адам екен. 7. Бүкпесіз, қалытқысыз. Мен ашық сөйлескенді ұнатамын. 8. Жасырын, жабық емес; барлығына бірдей. Ашық жиналыс (дауыс, сот, әңгіме). Ашық буын (лингв.) – дауысты дыбысқа біткен буын. Ашық рай (грамм. ) – істің шақтық мағынасын білдіретін етістіктің түрі. Ашық сабақ (педаг.) – бір мұғалімнің сабағына басқалар да қатысып, сын айту үшін өткізілетін сабақ. Ашық хат – газет-журнал бетінде басылған біреуге арналған хат. Ашық ауыз – аузында сөз тұрмайтын, аңқау, аңғырт. Ашық ауыздық – аузы берік еместік, аңғырттық