басу
I1. Жүру, адымдау. Аяғын ширақ басты. 2. Бір нәрсені таптау, мыжу, езу, жаншу. Жыланды басып кетті. 3. Кітап, газет, журналды баспадан шығару. Кітап басып шығарды. 4. Басып қалу, жабу. Тауды қар басты. 5. Бір нәрсені қарқындата түсу, үдету. Атына қамшыны басты. 6. Азай-тыңқырау, бәсеңдету. Шамның білтесін басып қойды. 7. Киізді білектеу. Киіз басты. 8. Бір нәрсенің уытын қайтару, бәсеңдету, тоқтату. Аспирин дененің қызуын басады. 9. Күшпен жеңу, бағындыру. Көтерілісті күшпен басты. 10. ауыс. Тоқтату, тежеу. Мәжіліс бастығы жұртты басамын деп әбігер (Майлин). Басқан ізін санады – қалт жібермеді, аңдыды. Басқан ізіне тұрмайды – парапар келмейді, тең емес. Бас салды – а) шап беріп ұстады ; ә) қапылыста қолға түсірді. Басып кірді – күшпен жаулап алды. Басып озды – қуып жетіп озып кетті. Басып өтті – бір нәрсенің үстінен өтті, жүрді. Басып салды – атып жіберді. Басып тастады – ешкімге сездірмеді, жауып тастады
II
Тоқтау айту, жұбату. Кемпір қой деп басу айтқан болды