батыр
1. Ел қамы үшін жаумен айқасып жеңіп шыққан ер жүрек адам. Алтын – жерден, Батыр - елден (Мақал). 2. Батыл, өткір. Көз – қорқақ, қол - батыр (Мақал). 3. Сөз арасында біреуді мадақтау мәнінде жұсалатын қошемет сөз. - Ал, батыр , сөйле,- деді қарт. 4. экспр. Біреуді мысқылдау, кекету мәнінде жұмсалатын мысқыл сөз. Үрейі ұшқан екі батырды әрең тоқтаттық (Баязитов). Батыр ана – көп бала өсіріп тәрбиелеген анаға берілетін атақ. Батыр қала – Ұлы Отан соғысында қаһармандық, ерлік көрсеткен қалаға берілген жоғары атақ. Батырлар жыры – елі, жері үшін басқыншы жаумен шайқасқан батырлардың ерлік істерін жырлайтын фольклорлық шығарма. Батыр тұлғалы [пішінді] – зор тұлғалы, алпамсадай