бес
1. Төрттен кейінгі есептік сан. Бес күндік жер (бес кило ет, бес құлаш белдеу). 2. Мектеп оқушыларының білімін көрсететін бестік баға. Мен ботаникадан бес алдым. Бес жақсы – қазақ дәстүрі бойынша мал есебімен төленетін қалың малдың алғашқы тобы; 1. тоғыз түйе, төрт құлынды бие, төрт құнан, төрт байтал, жеті тай не бір ту бие; 2. Нар, кілем, ат, қылыш, ең тәуір киімдер. Бес қанат үй – бес керегеден құралған қазақ үй. Бес батпан - а) әбден баттасқан, кір, салтақ ; ә) өте ауыр, зілдей. Бес бересі, алты аласы жоқ – қарым-қатынасы, араласы жоқ. Бес енеден белгілі – ертеден, баяғыдан анық, айқын. Бес биенің сабасындай – толық, етжеңді әйел. Бес қару (Ер қаруы – бес қару) – садақ, найза, қылыш. айбалта, сауыттардың жиынтығы. Бес парыз (діни.) – иман, бес намаз, ораза, діни салықтар, қажыға бару сияқты дәстүрді орындау. Бес саусағындай біледі – әбден қанық, өте жетік