билік
1. Басқарушылық, басшылық, үстемдік, қожалық. Қазір бар билік Абылайға көшті (Есенберлин). Билік әлі шалда екен (Жұмақанов). 2. Билердің айтатын төрелігі, шешімі. Іс қараған билер билік айтқаны үшін ақы алған (ҚСЭ). 3. заң. Қылмысты іс жөніндегі шығарылатын үкім. Халық соты істі ақтара тексеріп, билігін шығарды (Қыдырбекұлы). 4. Жарлық, бұйрық, әмір. Өзіңе-өзің билік жасауға кішкентайыңнан үйрен (М.Әлімбаев). 5. Ерік, ықтияр. Малда ерік, баста билік қалмады (Жансүгіров). Билік айтты – ақыл-кеңес берді, төрелік айтты. Билік ақы – билік айтқаны үшін билерге берілетін ақы. Билік жүргізді – әмірін өткізді. Билік құрды – басқарды, билеп-төстеді