бит
1. Адамның, жан-жануарлардың қанын соратын жәндік. 2. Өсімдік жапырақтарының шырынын соратын зиянды құрт. Бақша биті. Битке өкпелеп тоныңды отқа салма – жоқтан өзгені сылтауратып, өз үлесіңнен қағылмады д.м. Бит тағалады – асқан шебер. Бит терісінен биялай тоқыды – жоқтан бар етті, ұқсатты. Биттің қабығындай – өте жұқа. Бит шаққандай болмады [көрмеді] – бұйым көрмеді, елемеді. Биті балағына түскен – нағыз жарлы, кедей. Битін салды [төкті] – ашқарақтанды, құныға жеді. Битін сығып, қанын жалады – жарымады, жалаңдады. Биті торғайдай, мойны ырғайдай болды – жадап-жүдеді, азып-тозды. Бит ішіне қан құяды – өзгенің білмегенін білетін айлакер