боқ
1. Ас қорытылуынан пайда болатын, қарындағы жын, нәжіс. Боқтан сасық боласың өлсең тағы (Абай). 2. Қи, тезек, көң. Атының қасқасына сиырдың боқын жақты. 3. ауыс. Ескі-құсқы, қоқыр, қоқыс. Өз боғым да жетеді, кісі боқын қайтемін. Боқ мұрын – есеймеген, ақылы толмаған. Боғы ботқа (борқа), сідігі сірке – адам кіріп болмайтын, лас, кір. Боғымен жасты – өзінен жасы әлдеқайда кіші. Боғын ақтарды – бар сырын ашты, әшкереледі. Боғын боталы түйе қылды – түкке тұрғысыз нәрсесін әлдеқандай етті, бұлдады. Боғын пышақтады – қатты ызаланды, долданды. Боғы сұйылды – берекесіздікке салынды, бұзылды. Боқ басында – аяқ астында, күтпеген жерде. Боқ жеме – былжырама. Боққа тұрмайды – түк емес, құнсыз, бағасыз. Боқтан оңай – тіпті оңай, бұйым емес. Боқтан өзге – жоқтан өзге, түкке тұрғысыз