бұзу
1. Қирату, сындыру, талқандау. Үйдің терезесін бұзып ішіне түсті. 2. Бүлдіру, істен шығару. Ол зиянкестер мәдени мұраларды бұзды. 3. Малдың етін мүше-мүшеге бөлу, жіліктеу, боршалау. 4. Біркелкі күйді [жайды] дағдылы қалпынан өзгерту. Тынышын бұзды, қалпын бұзды. 5. Уәдені, салтты сақтамау. Ант бұзды, салт бұзды, бата бұзды. 6. Белгілі бір сөздермен тіркесіп мазаны алу сияқты ұғымды білдіреді. Шырық бұзды, шырымын бұзды. 7. ауыс. Біреуді азғыру, айныту. "Қамқор қызымды бұзып жүр",- деп Қанат өшіккен (Оразалин). 8. ауыс. Адамдықтан ада ету, жақсы қасиеттен айыру. Татымсызға қылған болыстық өзі адамды бұзады (Абай). 9. ауыс. Организмге бір нәрсенің жағымсыз әсер етуі, ауырту. Салқын сүт қозының ішін бұзады (Төлешов)