бұршақ
IКішкентай домалақ боп, мұз күйінде түсетін атмосфералық жауын-шашын. Қарлы бұршақ сабалап берді (Бегалин). Бұршақ соқты (ұрды) – егін-жайды бұршақ жауып ысырап етті. Бұршақ ұрды – он бір жасқа келген түйенің екі қасқа тісінің шеттері сынып иректеле бастауы
II
Ұрығы қабық ішінде жататын, сопақша келген дақылды өсімдік және осы өсімдіктің дәні
III
1. Көгеннің желісіне тізбектелген, қозы-лақты мойнынан байлайтын, ұшы түйілген екі-үш қарыстай бүлдірге жіп. 2. Тізбектеліп түйілген түймек. Бұрама білезіктің екі басына бұршақтар келтіреді (Қасиманов)