бүйір
1. Дененің оң не сол жақ бүйрек тұсы. Көксерек екі бүйірі суалып ашыққан (М.Әуезов). 2. Бір заттың орта тұсы. Бүйірі майысқан жез шәйнек (Т.Әлімқұлов). 3. ауыс. Шеткері, оқшау тұс, бұрыс. Ауылдың бүйірінде оңаша тігілген күйеу-қыздар үйі (Сейфуллин). Бүйір әңгіме – бөтен сөз. Бүйірі бүлк етпеді – қаймықпады, сескенбеді. Бүйірі қызды – елірді, делебесі қозды. Бүйірі шыққан емес – аузы асқа жарымаған. Бүйірі шықты – а) әбден тойды ; ә) мал қоңданды, семірді. Бүйірін таянды – қасірет тартты, қайғырды