гүл
1. Түрлі түсті, үлбіреген хош иісті өсімдіктің жалпы аты. Бақшада шоқ-шоқ гүлдер. 2. ауыс. Жасөспірім, бүлдіршін. Үйдің сәні бүлдіршіндей екі гүл (А.Тоқма-ғанбетов). 3. ауыс. Ажар, әр, көрік, келбет. Ақ бетің үлбіреп. Өзгеше біткен гүл (Абай). Гүл алаңы – гүл өсірілген жер. Гүл бақша – неше түрлі гүл, алуан түрлі өсімдік өскен жер. Гүл десте – байлам гүл, шоқ гүл. Гүл жазира – гүл жайнаған. Гүл жемір (биол. ) – алма гүлін жейтін құрт, қоңыз. Гүл кіндік (биол. ) – өнген гүлдің сабаққа орналасқан түбі, гүл табаны. Гүл табан [тұғыры] (биол. ) – гүл кіндік. Гүл тамақ (биол. ) – гүл бүршігі. Гүл тостаған (биол. ) – гүл тұқымын ораған қауыз, гүл қауызы. Гүл тостағанша (биол. ) – жабық тұқымды өсімдіктер гүлінің сыртқы қабығы. Гүл шанақ (биол. ) – гүл тостаған. Гүл шоғыры (биол. ) – өсімдік өркендеріне немесе бұтағына топтанып орналасқан гүлдер. Гүл шоқ – бір жерде, бір түпте өскен топ гүл. Гүл атты (жарды) – гүлдеді, қалың гүл шашты. Гүл шашты - а) тегіс гүлдеді, гүл төкті ; ә) жайнады, құлпырды. Гүл [гүлге] оранды [бөленді] – жаппай гүлдеді. Гүлі ерте ашылды – тым ерте есейді, өсті. Гүлі солды [гүлі ерте солды] – қайғы-қасіретке ұшырады, бағы тайды