дөңгелеу
1. Дөңгелектің шыр айнала қозғалуы, зырлап кетуі, шыр айналу. Станоктың дөңгелегі көз ілеспей дөңгеледі (Ә.Сәрсенбаев ). 2. Домалаң қағу, домалау. Оның бөркі еденге ұшып түсіп дөңгелеп ала жөнелді (Жұмаділов). 3. Дөңгелек формаға келу, шырайнала алқа қотан қоршау. Қалың солдат тұра қалды дөңгелеп (Тоқмағамбетов). 4. ауыс. Түлкі бұлтаққа салу, айналсоқтау. Манадан бері дөңгелейсің кеп, дөңгелейсің (Шашкин). 5. ауыс. Өмірдің алға қарай дамып жылжуы. Дөңгелейді дүние карусельдей (Мәуленов)