дүние
1. Жер жүзі, әлем. Кендерді тауып асылдан, Дүниеге даңқын асырған (Кәрібаев ). 2. Мүлік, жихаз. Үй ішінде басы артық дүние жоқ (Дәуренбеков). 3. Қазына, қамба, көмбе. Ол жасырын дүние тапты. 4. Өмір, тіршілік. Дүниеге кім келіп, кім кетпеді (Жақыпбайұлы). 5.. Табиғат пен қоғамдағы белгілі бір ортада өмір сүретіндердің тобы, жиынтығы. Өсімдіктер дүниесі, жануарлар дүниесі. 6. ауыс. Белгілі бір сөздермен қосылып, көп, мол, бірталай деген ұғымды білдіреді. Атам орманнан дүниенің отынын алып келді. Дүние боқ – опасыз өмір, алдамшы тіршілік. Дүниеге келді – а) перзент өмірге келді, бала туды; ә) іс жүзінде көрінді, пайда болды. Дүниеден қайтты [кетті, өтті] – қайтыс болды, өлді. Дүниеде теңдесі жоқ – еш нәрсе оған тең келмейді. Дүние жүзі – бар әлем, бүкіл әлем. Дүние кезек – өмір бірде олай, бірде былай, өзгермелі. Дүние қоңыз – дүние жанды, дүниеқор. Дүниені қарап қылды – әлемді тас-талқан етті. Дүниенің бұты бір-ақ тиын – маған бәрі бір, не болса ол болсын. Дүниенің тұтқасын ұстады – өмірдің билігі өз қолында болды. Дүниенің төрт бұрышы – бүкіл әлем, барлық жер шары. Дүние сөзі – күнделікті тіршілікке қатысты бос әңгіме