егу
1. Егін егу, өсімдік өсіру. Ексең орарсың, іздесең табарсың (Мақал). 2. мед. Белгілі бір аурудан алдын ала сақтандыру үшін жан-жануар қанына әлгі аурудың таяқшасын (тұқымын) жіберу. Құтыруға қарсы екпесе , адамның нерв жүйесі қатты зақымданады (Оразақов). 3. зоол. Адам немесе жан-жануардың организміне қажетті зат (ұрық, қан т. б.) ендіру. Күйі жақсы құнажындарды он алты-он сегіз айлық кезінде егіп ұрықтандырып жіберу қажет (Нұршайықов). 4. ауыс. Ойды, идеяны, ғылым-білімді т. б. көпшілікке үгіттеу, насихаттау, санаға сіңіру. Отанын сүюшілік сияқты қасиеттерді мектеп қабырғасынан еге бастаймыз (Қазиев)