езу
I1. Қатты нәрсені сұйық күйге келтіру, еріту. Құрт езген ез сорпа. 2. Бір нәрсені мыжу, мыжғылау. Қарулы саусақтар оның білегін езіп жіберді. 3. Жол ұрып, жол соқты болу. Ұзақ жол мені әбден езіп тастаған (Кенжебаев). 4. ауыс. Болмайтынды мылжыңдап көп сөйлеу, қайта-қайта айта беру. Бір сөзді мың рет езе бересіңдер (С.Жүнісов). Езіп ішпейді - түкке де керек емес, қажеті жоқ
II
Біреудің еңбегін пайдалану, қанау. Байлардың бізді езіп келгенін газет арқылы білді (Бекенов)
III
Ауыздың, еріннің екі жақ шеті. Ауыздық тұлпардың езуін қанға бояды. . Езу жидырмады – жұртты күлкіге батырды, көп күлдірді. Езу тартты – сәби жымиды, күлімсіреді