енді
IКең, мол, тым жалпақ. Енді көйлек (шалбар, киім, мата)
II
Ен салынған, таңбаланған, ені бар. Енді қойларды қосып жіберіп те баға береміз
III
1. Дәл, қазір, осы кезде. Осы ой басыма енді келді. 2. Бұдан былай, осыдан кейін. Біздің әулеттен енді жалғыз өзіңсің. 3. Бұдан басқа, және де, тағы да. Атаңның енді бір ойы бар (С.Омаров). 4. Онда, әйтпесе. – Олардікі емес. – Енді кімдікі? (Шашкин). Сұраулық, қарсылық мәнде қолданылатын сөз. Жоспарды орындамай, енді не бітіріп жүрсіңдер (Әбішев). Енді айналып келгенше – тағы да, қайтадан, қайыра. Енді болмаса [болмағанда] – аз болғанда, сәл кідіргенде. Енді бүгін – осы күнде, бүгіндер. Енді біразда – тағы да, және де. Енді қайтып – қайта айналып, екінші рет