етек
Киім өңірінің төменгі жағы. Кең етек көйлек. 2. Тау т.б. заттың төменгі жағы. Біздің ауыл Ақшоқы тауының етегінде (Қунақова). Етегі ашылды - а) абыройы көрінді; ә) күлкі болды, ұятқа қалды. Етегі (пұшпағы ) қанамады – бала көтермеген, перзентті болмаған. Етегінен берді – балалы болды, нәрестелі болды. Етегін ашып күлді – масқара қылды, мазақ етті. Етегінен айырылмады – соңынан қалмады, жабысып алды. Етегінен басты(тартты) – кесір жасады, кедергі болды. Етегінен ұстады - а) соңынан ілесті; ә) тұрмысқа шықты. Етегінен ұшынды – жігітшілікке салынып, жеңіл жүріске салынды. Етегіне намаз оқыған – бөтен жүрісі жоқ, пақ, күнәсіз. Етегіне оралды(этнограф.) – жабысып соңынан қалмады. Етегіне сүрінді – жұмыс басты болды. Етегінің желі бар – аяғының желі бар; жүргіш. Етегін төсек, жеңін жастық қылды – қар төсеніп мұз жастанды. Етек алды – а)кең жайылды, талады; ә) өркендеп өсті. Етек басты болды – а) қағажу көрді; ә) бала басты болды. Етек басты қылды – тартпаққа түсті. Етек жапты – өзіне-өзі келіп ес жиды. Етек жайды – а) ең тарады; ә) тіленді, сұрады. Етек-жеңі кең – пейілі кең, қолы ашық. Етектен алды – кедергі жасады, шалғайдан тартты