жазу
I1. Ой-пікірді жазу таңбалары арқылы қағазға түсіру. 2. ауыс. Діни наным бойынша, адам тағдыры оның маңдайына жазылып қойған-мыс деп есептеу. Тағдырдың маңдайға жазғаны бар шығар. Жазған құлда жан бар ма ( көне) – кінәлы, айыпты адамда ерік, ес бар ма
II
1. Жаймалап, тегістеу, жаю, жайып салу. Көрпенің мақтасын жазып салды. 2. Бүктеулі не ораулы нәрсені жазу. Ол бет орамалын тізесінің үстіне жазып салды (Дәуренбеков). 3. Бүгілген тізені, саусақты жазып жіберу. Аяғын жазды, саусақтарын жазды 4. Ұйысқанды талдап ажырату. Шашын жазып отыр. 5. Байлаулы қалыптан босату, шешу. Қара қасқа тұлпардың қаңтаруын жазды (Қамбар батыр)
III
Ауру-сырқаттан емдеу, дерттен жазып жіберу, сауықтыру. Қыздырма ауруынан жазды дертін жазды
IV
1. Адам ой-пікірінің қағаз бетіне түсірілген сөз, әріп таңбалардың жүйесі. Журнал беттері толған жазу . 2. Жеке адамның жазу өрнегі, қолтаңба. Қыз әкесінің жазуын бір рет оқып шықты (Дүзенов)
V
Бұйрық, жазмыш. Бізге деген бір жазу бар шығар (Әзиев)