жайма
I1. Құрт, ірімшік т.б. кептіру үшін жасалған өре. Көрші үйлердің жаймадағы құртын неғылсын (Бодықов). 2. Базарда киім-кешек, әр түрлі бұйымдар жайып қойып сату үшін жасалған орын. Көшенің екі қабағы толған сауда жаймалары (Шәріпов). Жайма базар – ескі-құсқы, ұсталған бұйымдарды жайып сауда жасайтын орын
II
Жадағай, жайдақ, саяз. Қайықты судың жайма тайыз жағына қарай бұруға бұйырды (С.Мұқанов). Жайма жал – будырап төгілген қалың жал. Жайма төсек – жерге жайып салатын төсек. Жайма шана – қанатсыз жадағай шана
III
Жұқа ақ мата төсеніш; простыня. Көп аурудың ортасында жайма жапқан бір төсек тұр (Шалабаев)
IV
Талдан торлап тоқыған құрал, зембіл. Жаралы серіктерін жайма жасап жатқызып, көштің соңынан ала жүрді (Есенберлин)