жақсы
1. Жаман емес, оңды, тәуір. Жақсы ән (ниет, тілек). 2. Сапасы жоғары, ерекше. Жақсы зат (дән). 3. Тәрбиелі, тәуір, ізгі, адамгершілік қасиеті мол (адам). Баланың жақсысы қызық, жаманы күйік (Абай). 4. Ауылдың белді, беделді азаматы. Елдің жақсылары тегіс жиналды (Есенберлин). 5. Иә, қош, мақұл деген сөздің орнына жүреді. Жақсы, мен бүгін сендерге жаңа сабақ бастамай-ақ қояйын (Еркебаев). Жақсы болды – құба-құп. Жақсы болсын, жаман болсын – әйтеуір, қалай болмасын. Жақсы көрді – ұнатты, жаратты. Жақсы қарамады – ұнатпады, жақтырмады, жаратпады