жану
I1. Отқа күю, өртену. Жаудың он танкісі жанып жатты. 2. Лаулап жану, маздау. Үй ортасында маздап жанған түтінсіз от бар (М.Әуезов) 3. ауыс. Жайнап құлпыру, жарқырау. Көзі оттай жанып. 4. ауыс. Қайғыдан күйіп-жану, қасірет шегу. Қайғы оты көкірегінде жанса дәйім (С.Омаров) Жанып кетті - а) гүл-гүл жайнап, құлпыра түсті; ә) күйіп кетті. Жанып тұр – күйіп тұрған ыстық
II
1. Құрал-сайманның жүзін қайрау, өткірлеу. Жасық пышақ өтпейді жаныса да (Мақал). 2. ауыс. Біреуді біреуге айдап салу, өшіктіру. Елдосты бір-екі рет жанып жіберу керек (Досанов). 3. ауыс. Жігерлендіру, құптап қолдау, қайрау. Директор оны жаный түсті