жаяу
1. Астында мінген көлігі жоқ, көліксіз. Жаяуы қапты, аттысы шапты (Абай). Жаяу әнші [жыршы] – жай, қатардағы әнші. Жаяу әскер – қарулы күштердің жаяу қимыл жасайтын негізгі бөлімі. Жаяу бәйге [жарыс] – жаяулардың жарысы, жаяу жарыс. Жаяу боран – онша қатты соқпайтын боран. Жаяу бұрқасын – онша қатты емес, бәсең боран. Жаяу қалжың – жеңіл-желпі зілсіз әзіл. Жаяу өсек – ауыздан ауызға өтетін өсек сөз, пыш-пыш әңгіме. Жаяу төбелес – көліксіз жаяу жүріп, қолмен соғысатын төбелес, жеңіл-желпі төбелес