жеңіл
1. Салмағы аз, салмақсыз. Ауадан газ жеңіл (Мырзабаев). 2. ауыс. Оп-оңай, болмашы, қиындығы жоқ. Жеңіл сұрақ, айтуға жеңіл. 3. ауыс. Жеңіл-желпі, атүсті, үстірт. Жеңіл борасын, жеңіл сөз. 4. ауыс. Жеңілтек, ұшқалақ, шошақай. Жеңіл мінез қызымыз, жеңіл атанып кетті. Жеңіл машина – бес кісілік, ауыр жүк тасымайтын машина. Жеңіл ауыз – аузында сөз тұрмайтын (адам). Жеңіл атлетика – жүгіру, секіру, лақтыру, көпсайыс сияқты спорт түрлерінің жалпы атауы. Жеңіл жолға түсті – жан қинамай оңай олжа табуға кірісті. Жеңіл жүрісті – жат мінезге түскен кісіге айтылады. Жеңіл индустрия – киім-кешек, ыдыс- аяқ т.б. тұрмыс қажетіне керекті түрлі заттарды шығаратын кәсіпорын. Жеңіл қарады – бір нәрсеге немқұрайды, атүсті көңіл бөлді. Жеңіл ойлы – байыптап ойламайтын, алаңғасар. Жеңіл өнеркәсіп – халық тұтынатын көпшілік қолды заттарды өндіретін кәсіпорын