жету
1. Бір жерден екінші жерге бару. Ұшақпен тез-ақ аулына жетті. 2. Белгілі бір мерзімге, кезге келу; санға толу. Жыл артынан жыл жетті, Балаларының саны онға жеткен. 3. Ойлаған ойы, мақсат-мұраты орындалу, дегені болу. Арманына жетті. 4. Сөз тіркестері құрамында келіп әр алуан мағынада қолданылатын сөз. Атағы талай жерге жетті. 5. ауыс. Доғар, тоқтат, болар, болды. Жетті , кімді басынасың сонша (Тоқмурзин). Жетіп барды – белгілі бір жерге тез (жетті) келді. Жеткен жері – қолынан келгені, шамасының жеткені. Жетпей желкесі қиылсын (қарғ. ) – жасына келмей өлсін. Жетіп жығылды – әрең дегенде жетті, зорға келді. Жетіп келді – аяқ астынан тап болды, сау ете қалды