жұлдыз
I1. астр. Түнде ғана көкте нүктедей болып, жарқырап көрінетін аспан денесі. Аспанда миилион жұлдыз самсап тұр. 2. көне. Жылдың он екіден бір бөлігі, ай. Жұлдыздың он бесі. 3. ауыс. Бір нәрсенің ең озығы, майталманы, шам-шырағы. Ермек Серкебаев -өнер жұлдызы. Жұлдыздай ақты – қатты жүгірді, оқша атылды. Жұлдыздай самсады – жұлдызша жапырлады, жайнады. Жұлдызы жанды – бақыты артты, мәртебесі жоғарылады. Жұлдызы оңынан туды – сәті түсті, жолы болды. Жұлдызы жоғары – мерейі үстем. Жұлдызы қарсы – бір-біріне өш, қас. Жұлдызы ыстық – кісіні өзіне тартатын қасиеті бар, сүйкімді
II
1. Бес бұрыш етіп жасалған мемлекеттік айырым белгісі. 2. ауыс. Әскери дәрежеге байланысты погонға тағылатын жұлдыз бейнелі белгі. Болатқа бір жұлдыз қосылды