жүз
IАдамның бет-әлпеті, өңі. Көсемнің ұлы жүзін бір көріп, жүзі жылыды. Жүз аудара алмады – бетін бұра алмады. Жүз жыртысты – айтысты, тартысты , араздасты. Жүз көрісті [көрсетті] – кездесті, жолықты. Жүз таса қылды – а) жасырынды; ә) бойын аулаққа салды, безе бастады. Жүз тоқтатты – көз тоқтатып қарады. Жүз шайысты – бір-бірімен сөзге келді, ренжісті. Жүзі ашық – жылы жүзді, ашық-жарқын. Жүзі жылыды – көңілденді, мейірленді. Жүзі қайтты – тайсалды, қаймықты. Жүзі қара – ұятсыз, арсыз. Жүзін аударды – бетін басқа жаққа бұрды. Жүзіне шіркеу болды – істеген оғаш қылығы үшін ұялды , қаймықты. Жүзін құбылаға берді (діни.) – а) құдайға сыйынды, намаз оқыды; ә) мәйіттің басын батысқа қаратты
II
Пышақ, ұстара, қылыш сияқты заттардың өткір жағы. Орақтың жүзі қайрылып қалыпты
III
тар. Қазақ халқының жер аумағын үш аймаққа бөліп айтумен байланысты қалыптасқан саяси-экономикалық термин; ұлыстық одақ. Ұлы жүз (орта жүз, кіші жүз)
IV
Тоқсан тоғыздан кейінгі сан. Жүзден озған жүйрік – топтан суырылып шыққан өнерпаз, саңлақ. Жүзді айдап, бірді жетеледі – мыңғырған өте бай. Жүз жиырма төрт әнбие [пайғамбар] (діни.) – күллі пайғамбар атаулы. Жүз құбылды – сан қилы өзгерді. Жүз саққа жүгіртті – неше түрлі етіп айтты , құбылтты. Жүз толғанды – қатты ойланды