жүрек
1. Бойға қан жүргізуші басты орган. Жүрегім жылдам соқты. 2. ауыс. Кісінің жан дүниесі, рухани сезімі. Жүрегіне нұр құйды, жүрегі тебіренді. Жүрегі айныды – а) құсқысы келді; ә) мезі болды, ығыр болды. Жүрегі аласұрды – тынышсызданып алып-ұшты. Жүрегі аттай тулады (дүрсілдеді) – жүрегі қатты соқты, дүрсілдеді. Жүрегі аузына тығылды – жүрегі өрекпіп қатты соқты. Жүрегі бүлк етпеді – еш нәрсені сезінбеді, селт етпеді. Жүрегі дауаламады – батылы бармады, тайсалды. Жүрегі дір етті – қорықты, селк етті. Жүрегі елжіреді (еріді, езілді) – жаны ашыды, аяды. Жүрегі зу ете қалды – қатты шошыды. Жүрегі зырқ ете қалды – бір нәрсе жанына жайсыз тиді. Жүрегі күпті болды – көңілі дүдәмал болып қорықты. Жүрегі қарайды – а) қарны ашты, жүрегі сазды; ә) жамандық ойлады. Жүрегі қарс айрылды – а) қатты қуанды; ә) қайғыдан қатты күйінді