жылу
I1. Күннен, оттан бөлінетін қызу. Шоқ қайдан болса, жылу содан (Мақал). 2. Адам денесінде, киімде, топырақта сақталатын жылылық. Астарлы киім жылу береді, бойынан жылу кетті. 3. ауыс. Мейірімділік, қайырымдылық. Жүзінде жылу бар, сөзі ішіме жылу жүгіртті. Жылу алмасу – жылудың қызуы мол денеден қызуы кем денеге таралу процесі. Жылу берді – а) жылытты, қыз-қыз қайнатты. ә) күш-қуат берді, қайраттандырды. Жылуы жоқ – сүйкімі, жанасымы жоқ
II
көне. Біреу шығынға, ауыр жағдайға ұшырағанда ел жиып беретін көмек, жәрдем. Жетім-жесір қалған үйдің балаларына жылу жинады (Ақынжанов)
III
1. Күннің, оттың, дененің қызуымен жылы қалыпқа келу, жылыну. Түске қарай күн қатты жылыды. 2. ауыс. Мейірлену, елжіреу. Жүзі жыли бастады, іші жылып қоя берді