жылы
1. Ыстық пен салқын күйдің аралық қалпы. Жылы үй (күн, сүт, жақ). 2. Денені суықтан қорғайтын, суық өткізбейтін. Жылы тон (киім). 3. ауыс. Жағымды, мейірімді, сүйкімді. Жүзі жылы (жаны). Жылы ажар (кескін, рай , шырай] – адал пейіл, мейірбан кейіп. Жылы жауып қойды – а) елеп ескермеді, атаусыз қалдырды, бүркеп қойды. ә) қолға алмады, атамады. Жылы жүзді [ шырайлы] – кіші пейіл, мейірбанды. Жылы қабақ білдірді [көрсетті] – ілтипатпен жақсы қарсы алды. Жылы орын тапты – тұрақты, жайлы мекен-жайға жайғасты. Жылы сөз – жанға жайлы, жағымды пікір. Жылы сөйлесті – ашылып тіл қатты. Жылы суға қолын малып отыр – молшылыққа кенелді, рахатқа батты. Жылы тартты – а) жақын көрді, іш тартты. ә) көзге жылы ұшырады. Жылы тиді – көңілге ұнады, жанға жайлы болды. Жылы ұшырады – а) көзге ыстық көрінді; ә) жайдары кейіп білдірді, мейірбандық көрсетті. Жылы ізін суытпады – кейінге қалдырмады, ескіртпеді