иман
діни. 1. Ислам дінінің бес парызының бірі, діншілдік наным. Құдай тағала әрбір ақылы бар кісіге иман парыз деген (Абай). 2. Адам бойына тән ізгілік, адамгершілік. Ұят кімде болса, иман сонда (Мақал). 3. Белгілі бір іс-әрекетпен байланысты серт, уәде, үміт. Бектай иманына берік. Иман айтты – құдайға құлшылық етті, дұға оқыды. Иманды адам (кісі) – ұятты кісі, таразысы тең ақыл иесі. Иманды құлға жолықсын! (тілек) – ізгі ниетті пендеге кездессін ! Иман жүзді – кіші пейілді, жылы жүзді. Иман келтірді – шариғат заңы бойынша аят оқыды. Иманмен қаптап қойғандай – бір көргенге мұнтаздай. Иман салды – құран аятын оқып, иманын үйірді. Иман сұрады (тіледі) – құдайына жалбарынды. Иман таразыға салды – бағдарлады, байқады. Иман таразы қалыпқа келді – жөнге келді. Иманы бетінде үзіліп тұр – ұяң, ибалы, тәрбиелі. Иманы жоқ – ар-ожданнан айрылған, имансыз. Иманы жолдас болсын! (тілек) – жатқан жері жайлы болсын. Иманы кәміл болды – ақиқат сенді, нанды. Иманы күйсін – жаны шықсын, тұқымы құрысын. Иманы қалмады – құты қашты, қатты қорықты. Иманы қасын болды – зәре құты қалмады, үрейі ұшты. Иманын айтты – үрейі ұшты, қатты қорықты. Иманына қамшы баспайын – сыйласып өтейін. Иманын сатты – ар-ұятын сатты. Иманын ұшырды – үрейін алды, қорқытты. Иманын үйірді – а) өлер алдында кісіге құран оқытты; ә) үрейін ұшырды. Иманы саламат болсын – иманы жолдас болсын, иманды болсын. Иманы тас төбесіне шықты – зәресі ұшты, қатты қорықты. Иманы түршікті – төбе шашы тік тұрды. Иманы ұшты (иманын ұшырды) – қатты қорқытты, зәресін алды