ине
1. Жіп сабақтап іс тігетін металдан істелген ұшы үшкір құрал , аспап. Жуан ине. 2. мед. Ауруларды емдейтін алтын, күміс т.б. металдардан жасалған ұзындығы 5-10 см ұшы үшкір ине. 3. Жануарлар мен жәндіктердің денесінде болатын өткір тікенек. Араның инесі. 4. Қарағай, шырша сияқты т.б. қылқан жапырақты ағаштардың немесе өсімдіктердің тікен сияқты қылқандары. Шыршаның инесі. Ине қармақ – инеден иіп жасаған қармақ. Ине салды (мед. ) – ине терапиясымен емдеді. Ине сұғып алғандай – бірден шым етіп ауырды. Ине жұтқан иттей – жүдеу, қатып қалған. Ине жұтып қойғандай – байыз тааба алмады. Ине қадалғандай болды – қатты шаншыды, жанға қатты батты. Инемен құдық қазғандай – өте ауыр, тым қиын. Инені жіпке тізді – тәптіштеп санады, термеледі. Иненің жасуындай – бір мысқал, кішкентай болмашы. Иненің көзінен оқ өткізген – құралайды көзге атқан мерген. Иненің көзінен өткендей – айла мен ақылға бірдей пысық. Ине шаншар жер [орын] жоқ – иін тірескен көп, тығыз. Ине шаншым еті жоқ – арық, жүдеу, қатпа