кезек
I1. Бір нәрсені жасау, немесе алу үшін келер сәтін, уақытын, күтіп тұрған адамдар тізбегі. Газет алу үшін кезекте тұрмын. 2. Жұмыс уақытының алмасу жүйесі; смена; күндізгі кезек, түнгі кезекте, жұмыс істейді. 3 Белгілі бір істің жөні, реті, ыңғайы. Ән салу кезегі Әсенге келді. Әуелгі кезек менікі. 4. Бірінен кейін бірі, алма-кезек. Көзін айырмай екеуіне кезек қараумен болды (Майлин). Кезегін алды – бір істі я сөзді бастау рәсімін істеді, жолын алды. Кезек берді – бір нәрсені айтуға я істеуге мүмкіндік жасады. Кезекке қойды [тұрды] – кезек тәртібімен тізімге кіргізу. Кезек келді [жетті, тиді] – сәті түсті, кезі келді. Кезек күттірмейтін – шұғыл орындалуға тиісті, бірінші кезектегі. Кезектен тыс – жоспарланбаған, белгіленген мерзімнен бұрын
II
Әлдеқандай денеге түскен, ұзақ уақыт жазылмай жүретін жарақат. Әсіресе күз күндері түскен жара кезек болады