келу
1. Бері қарай бет алып жүру, жылжу. Үйге Дәмелі келді (Ерубаев). 2. Жеткізілді, қолына тиді. Хат келді. 3. Белгілі бір жасқа толу, жету. Сексенге келген қарт ана (Тұрманжанов). 4. Мерзімі болу, уақыты жету. Көктемде келді жарқ етіп (Ж.Молдағалиев). 5. Бір әрекетке құлқы болу, керексіну. 6. Негізгі етістік пен есім сөздердің жетегінде айтылып көмекші қызмет атқарады. Қорытындыға келді. Әңгіменің түйініне келейік. 7. Үздіксіз болу, жалғаса түсу. Оқып келеді, ести алмай келеді. 8. ұқсау, сәйкес келу. Өңі әкесіне келеді. Келген бойда [бетте] – келе салысымен, дереу. Келе сала – келген бойда. Келмеске кетті – а) құрыды, жойылды; ә) дүниеден өтті, өлді. Келсең келдің өзі – еш нәрседен тайынбайтын, қызба