көтеру
1. Бір нәрсені арқаға салып не қолмен жоғары көтеру. Жүгін көтерді, штанга көтерді, қап көтерді. 2. Бір затты тұрған орнынан алу. Телефон трубкасын көтерді. 3. Бір нәрсенің деңгейін өсіре, жоғарылата түсу. Фундаментті көтерді, су деңгейін көтерді. 4. ауыс. Жоғары бағытпен қозғау, төменнен жоғарыға көшіру. Ту көтерді, парус желкен көтерді. 5. ауыс. Дене мүшелерін дағдылы қалыптан қозғау, қағу. Аяғын көтерді, басын көтерді, қолын көтерді. 6. ауыс. Жөндеу, дамыту, өркендету. Шаруашылықты көтерді, тұрмысын көтерді, білімін көтерді. 7. ауыс. Лауазым, атақ, дәрежені жоғарылату, арттыру. Қызметін көтерді, дәрежесін көтерді. 8. ауыс. Төтеп беру, шыдау, төзу, көну. Семіздікті қой ғана көтереді (Мақал). 9. ауыс. Іздеу, қайта қарау. Істі қайтадан көтерді, архивті көтерді, мәселесін көтерді. 10. ауыс. Дерексіз зат есіммен тіркесіп келіп, белгілі бір іс-әрекетке итермелеу, жұмылдыру. Көңіл көтерді, бөлмені басына көтерді, шу көтерді. Көтер қолыңды – бағын, беріл. Көтеріп әкетті – одан әрі өршітті, қолдап кетті. Көтеріп қойды – алып жіберді, ішіп қойды