күй
IҚазақ халқының музыкалық шығармасының бір түрі. Радиодан күй күмбірледі ("Лен. жас"). Күй аспабы – күй орындалатын музыкалық аспап. Күйге келтірді – домбыраны күй тартуға бейімдеді. Күй тартты (шертті ) – музыкалық шығарманы орындады
II
1. Хал -ахуал, тұрмыс-тіршілік. Күйі бірдің күні бір (Мақал). 2. Іс -әрекеттің белгілі бір қалпы. Сол жатқан күйі, төмен қараған күйімде. Түспес ем мынадай күйге. 3. ауыс. Ой, тебіреніс. Көңілге түрлі күй салар, Көргеніңде елжіреп (Шипин). 4. ауыс. Зар, мұң, күйініш. Қайғының күндіз-түні күйін тартып (Жамбыл). Күй таңдады – бап іздеді, күтім қажет етті. Күйі бірдің күні бір – тұрмысы, жағдайы шамалас адамдардың көретіні де бірдей, мұңдас. Күйі кетті (тайды) – халі нашарлады, жағдайы болмады. Күйіне келді – бабына келді