оқу
I1. Тиісті оқу орнында берілетін білім. Оқу -білім бұлағы, Білім өмір шырағы (Мақал). 2. Белгілі оқу орнында күнделікті өтетін сабақ Оқу - білім азығы (Байғанин). Оқу бөлімі – белгілі бір мекеменің білім беру жүйесін меңгеретін бөлігі. Оқу жылы – оқып үйрену барысында жоспармен шектелген бірнеше айлық мерзім. Оқу құралы – білім беру ісіне қажетті оқулық пен басқа да бұйымдар. Оқу орны – білім, мамандық беретін, ағарту мекемесі. Оқу программасы – оқу жылында әр пәннен берілетін білім мен игерілетін дағдылардың мазмұны мен көлемін белгілейтін жоспар. Оқу шеберханасы – жалпы білім беретін мектептерде оқушыларды қарапайым құралдармен үйретуге арналып жабдықталған бөлме. Оқу ісінің меңгерушісі – мектептегі педагогикалық процестің ұйымдастырушысы, әрі басқарушысы
II
1. Жазылған сөздерді дауыстап не іштей қайталап шығу. Қала шекарасындағы "Хош келдіңіздер!" деген ілтипат сөзді оқып едім (Иманбеков). 2. Белгілі бір оқу орнында білім алу, ілім-білімді меңгеру. Екеуі де баласының оқып , білімді болғанын қалаған (Өрлеу). 3. Ішінен дұға айтып, арбау, дуалау. Аурулы үйде қонақтап, Емдейді оқып, үшкіріп (С.Мұқанов)