он
Тоғыздан кейінгі есептік сан. Өтемістен туған он едік (Махамбет). Он күндік – он күнмен шектелетін уақыт аралығы. Он шақты – шамасы онға жуық. Он екі де бір гүлі ашылмаған – кіршіксіз таза, беті ашылмаған. Он екі де бір нұсқа жоқ – еш нәрсенің әлі басы да құралмаған. Он екі мүше – түп-түгел тұтас дене. Он екі саққа [әр саққа, неше саққа] жүгіртті – неше түрлі құбылтты. Он қолынан [саусағынан] өнері тамған – ағаштан түйін түйетін, өте шебер, ісмер. Он салса бір баспайды – іске бейімі жоқ, жалқау. Он сан – қисынсыз көп, қырық рудан құралған. Орманбеттен аттанған он сан ноғай ("Қозы Көрпеш-Баян сұлу"). Он саусағындай біледі – бәрін жыға таниды, жете түсінеді. Он сегіз мың ғалам [әлем] – жер жүзі, күллі әлем