ондық
1. Саны он кісіден тұратын сарбаз, әскер. Сенің отрядың соңына Мерәлінің ондығы барады (Райымқұлов). 2. Алғашқы он саннан тұратын жиын. Мына тұрған жігіттер бүгінгі шабыста алғашқы ондыққа енгендер (Бердіқұлов). 3. Карта ойынындағы тоғыздықтан кейінгі реттік қағаз. Олардың қолындағысы қарғаның алтылығы еді, үстіне ондық шықты (Т.Әлімқұлов). 4. тар. Он сарбаздың үстінен қарайтын басшы; он басы. Бұрын-соңды ол ондық болып көрген емес (Ғ.Ахмедов). Ондық бөлшек (мат.) – бөлімі 10 санының бүтін дәрежесі болатын бөлшек. Ондық логарифм - н егізі 10-ға тең болатын логарифм. Ондық санау жүйесі – санаудың кең тараған жүйесі. Ондық шам – білтесінің ені өзгелеріне қарағанда жалпақтау болатын шынылы май шам