орта
I1. Белгілі бір мөлшерге жетпеген, толық емес, жартылай. Орта қап тезек, орта шелек су. 2. Бір мезгілдің аралығы, жартысы. Айдың ортасы, жылдың ортасы. 3. Белгілі бір жердің деңгейі. Қаланың ортасы, үйдің ортасы. Орта бойлы – онша биік те емес, аласа да емес, орташа. Орта білім – он жылдық білім дәрежесі. Орта ғасыр [көне] – көне дәуір мен жаңа дәуір аралығы. Орта есеппен – шамамен, орташасын алғанда. Орта жүз – қазақ халқының этникалық құрамына енген рулар мен тайпалардың саяси, экономикалық және мәдени бірлестігі. Орта мектеп – он жылдық білім беретін оқу жүйесі. Ортаға алды – қаумалады, кеу-кеуледі. Ортаға салды - а) көрген-білгенін басқаларға айтты; ә) өз мүлкін көпшілікпен бөлісті. Орта жол [жол ортасы] – баратын жеріне дейінгі жол аралығы. Орта қолды жұмыс – қиын да емес, оңай да емес, орташа. Орта толсын! [тілек] – бас көбейсін, жан көбейсін! Орта шаруа – әл-ауқаты орташа адам
II
Адам қоршаған, қатынас жасайтын адамдар тобы. Ортаңа қарап өзіңді таны (Мақал). Өскен орта, шыққан орта