періште
діни. 1. Мифология мен діни ұғымдар бойынша, құдайдың әмірін жеткізіп тұратын, табиғаттан тыс мифтік көмекшілер. Алланың сүйсініп жаратқаны періштелер болыпты ("Қаз.әдеб".) 2. ауыс. Кінадан пәк уыз жас, сәби бала. Күнәсыз таза періште , Жас балдырған нәресте (С.Мұқанов). 3. ауыс. Кіршіксіз адал жан, таза адам. Ол адамның періштесі (Майлин). 4. ауыс. Асқан сұлу, көркем, әдемі ару. Мынадай періште тегін кісінің қолына түспейді ғой (Жұмаділов). Періште қақты – құдай сақтады, оңдады. Періштенің құлағына шалынды (діни) – айтқаны келді, тілегі орындалды. Періште тұтты – әулие санады